Kurso den Forma Físiko
Organisashon
- Kada nivel ta basá riba e kriterionan di e Makro di Referensia Oropeo (CEFR).
- Kada nivel ta dividí den 2 supnivel, di kua alkanse di kada un ta dependé di e kursista.
- E programa i material ku ta usa ta pruebá di ta duna e resultado deseá.
- E 12 lèsnan ta enserá: teoria, práktika i momento di evaluashon di tur 4 abilidat komunikativo (papia, skirbi, lesa, skucha), a ménos ku a akordá di antemano pa sierto abilidat spesífiko.
- Dedikashon, práktika i estudio di parti di e kursista ta kriterio determinante pa un resultado éksitoso.
- Tur pago ta tuma lugá via transferensia bankario.
- Promé ku inisiá e kurso e pago kompleto òf mitar di e montante total pa e kurso mester ta despositá.
- Ta agregá 15% di gastu atministrativo si ta paga den kuota.
- Pa por sigui partisipá na e kurso, kada pago den kuota mester tuma lugá riba e fecha palabrá òf promé.
- 80% di asistensia ta obligatorio pa por risibí sertifikado.
- Ta distinguí entre sertifikado di partisipashon i finalisashon ku éksito.
Komunikashon ta un nesesidat básiko meskos ku awa i kuminda p’esei nos ta ofresé diferente “plato” ku ta basá riba dos diferente programa.
Programa Fleksibel: Sena pa un
- Ta lès individual; pa un (1) persona so.
- Riba e promé dia di lès ta palabra dia, ora i lokalidat definitivo pa e lèsnan.
- E kantidat di lès pa siman por varia di 1 pa 3 bia pa siman.
- Por bini kambio na e dia, ora i lokalidat di lès, segun posibilidat i den konkordansia mutuo.
- Durashon di kada lès ta 60 minüt.
- Si e lokalidat no ta esun di e instituto esaki mester ta unu kaminda por studia ku trankilidat, ku bon iluminashon i ventilashon, i sin posibilidat pa interupshon.
- Tin posibilidat pa rekuperá únikamente 2 lès pèrdí, segun posibilidat di e instituto.
- E promé lès semper ta dura algu mas ku 1 ora, kual ta parti e fleksibilidat di e pakete.
Programa Fleksibel: Plato pa duo òf trio
- E lèsnan akí ta eksklusivamente pa grupo di máksim tres (3) persona.
- Riba e promé dia di lès ta palabra dia, ora i lokalidat definitivo pa e lèsnan.
- E kantidat di lès pa siman por varia di 1 pa 2 bia pa siman.
- Por bini kambio na e dia, ora i lokalidat di lès, segun posibilidat i den konkordansia mutuo.
- Durashon di kada lès ta 90 minüt.
- Si e lokalidat no ta esun di e instituto esaki mester ta unu kaminda por studia ku trankilidat, ku bon iluminashon i ventilashon, i sin posibilidat pa interupshon.
- Tin posibilidat pa rekuperashon di únikamente 1 lès pèrdí, segun posibilidat di e instituto.
Programa Fleksibel: Kombo chikí
- E lèsnan akí ta eksklusivamente pa grupo di mínimo kuater (4) te un máksimo di ocho (8) persona.
- Riba e promé dia di lès ta palabra dia, ora i lokalidat definitivo pa e lèsnan.
- E kantidat di lès pa siman por varia di 1 pa 2 bia pa siman.
- Por bini kambio na esaki, segun posibilidat i den konkordansia mutuo.
- Durashon di kada lès ta 90 minüt.
- Si e lokalidat no ta esun di e instituto esaki mester ta unu kaminda por studia ku trankilidat, ku bon iluminashon i ventilashon i sin posibilidat pa interupshon.
- No tin posibilidat pa rekuperashon di lès pèrdí.
Programa Fiho: Plato familiar
- Lokalidat i orario di lès ta definí pa e instituto.
- Por bini kambio na esaki, segun posibilidat i den konkordansia mutuo.
- Durashon di kada lès ta 90 minüt.
- E lèsnan lo ta 1 pa 2 bia pa siman.
- No tin posibilidat pa rekuperá lès pèrdí.
Kurso i plataforma virtual
Organisashon
- E kursista ku skohe pa un kurso virtual ta skohe pa un programa ku ta tuma lugá via un òf algun plataforma virtual ku Kinani Language Enrichment ta ofresé
- E programa ta ofresé seshon bibu i material virtual pa praktiká di forma independiente
- E seshonnan bibu ta tuma lugá basá riba un skema palabrá promé ku kuminsá e kurso
- No tin espasio pa hasi kambio na e skema despues ku e kursista bai di akuerdo ku esaki
- E programa ta mará na un periodo i despues di e periodo akí si ke sigui hasi uso di e servisio mester renobá e abono.
- E periodo di uso ta palabrá promé ku firma e kontrato
Dato i informashon personal
- E kursista ta bai di akuerdo di kompartí e datonan personal ku ta pidi manera, nòmber, fam, fecha i pais di nasementu, nivel di estudio i otro informashon ku Kinani Language Enrichment ta pidi via di su plataforma virtual
- Kinani Language Enrichment ta komprometé su mes di mantené e datonan personal kolektá sekreto, pero si por usa parti di esakinan pa propio investigashon òf análisis di desaroyo.
Kontenido
- Kontenido di e programa ta konsistí di material ouditivo, oudiovisual, teksto i imágen
- E kontenido ta propiedat i kreashon di Kinani Language Enrichment i ta kai bou di lei di derechi di outor
- E kursista tin akseso na e kontenido pa uso individual
- Ta prohibí pa kopia, modifiká, adaptá òf distribuí e kontenido
Uso i usuario
- Despues ku e kursista lesa i bai di akuerdo ku e kondishonnan i ehekutá e pago e ta bira un usuario di e plataforma(nan) di Kinani Language Enrichment
- E usuario lo haña akseso na un òf algun plataforma di Kinani Language Enrichment kual e lo mester drenta hasiendo uso di su registrashon, nòmber di usuario i/òf kódigo di entrada
- Akseso na e plataforma ta un askeso úniko i ta válido únikamente pa esun persona ku a inskribí i a paga pa hasi uso di e servisio
- Ta estriktamente prohibí pa kompartí kódigo i òf nòmber di usuario
- E usuario ta komprometé su mes na hasi uso di tur material riba e plataforma kue mes diskreshon ku e ke pa atendé ku su datonan personal i ta respetá lei di derecho di outor.
- Kopia, baha i kompartí material riba e plataforma ta estriktamente prohibí i lo tin konsekuensia hurídiko i/òf multa den kaso ku hasi esaki.
- Tampoko ta pèrmití pa kompartí òf distribuí kontendido di e plataforma na terser persona
- Den kaso ku e usuario no kumpli ku un di e puntonan menshoná lo kanselá su kontrato i akseso na e plataforma inmediatamante. Despues lo sigui un proseso hurídiko di kual e kostonan di esaki tambe ta kore pa e kursista.
Pago i restitushon
- Na momento ku e kursista bai di akuerdo ku e kondishonnan e ta bai di akuerdo pa hasi e pago korespondiente pa hasi uso di e servisio
- E pago ta tuma lugá via un transferensia bankario i na momentu ku Kinani Language Enrichment risibí e pago korespondiente lo duna akseso pa por hasi uso di e servisio
- Den kaso ku e kursista ke kanselá su uso di e servisio promé ku e periodo di uso pasa, lo no tin restitushon di e suma ni parti di e suma
- Kinani Language Enrichment na kualke momentu, sin previo aviso, por kanselá uso di e servisio akordá den kaso ku tin indikashon di falta di kumplimentu, kualke akshon ilegal, uso inkorekto òf ku ta mina funshonamentu di e plataforma òf servisio
- Den kaso ku mester kanselá e servisio lo no tin restitushon di niun pago ehekutá.