Kondishon mará na kurso di skirbimentu

Skirbimentu ta amplio p’esei Kinani Language Enrichment ta ofresé diferente kurso na diferente nivel, entre otro: Skirbimentu Básiko nivel 1 i 2, Skirbimentu Profeshonal i Skirbimentu Kreativo.
Skirbimentu Básiko ta dediká atenshon na e aspektonan básiko di skirbimentu, esta ortografia, gramátika, vokabulario i struktura di teksto. Tur salí for di e situashon inisial unda e partisipante tin poko eksperensia i/òf konosementu di e reglanan gramatikal relashoná ku skirbimentu den e idioma meta.
Skirbimentu Profeshonal ta dediká atenshon na sierto tipo teksto spesífiko. Teksto ku ta relashoná ku e área profeshonal ku ta di interes pa e kursista, unda lo trata tantu e aspekto di struktura i kontenido di e tipo di teksto spesífiko.
Skirbimentu Kreativo ta enfoká riba skirbimentu di teksto literario. Por pensa riba kuenta, poema, obra teatral i tur e diferente tipo di obra ku ta pertenesé na e tres kategorianan akí.

Tur kurso ta konsistí di mínimo 10 lès di 90 minüt.
E lèsnan por ta segun Kinani Language Enrichment su programa fleksibel (lès privá) òf esun fiho (lès pa públiko general).
E lès(nan) por tuma lugá personal òf di forma virtual, via un plataforma virtual ku Kinani Language Enrichment mes lo ofresé.
Dia i orario di lès por ta di djaluna pa djaweps di 8 or di mainta pa 8 or di anochi, djabièrnè di 8 or di mainta pa 12 or di mèrdia. Dependé di e programa e lèsnan por tuma lugá te na un máksimo di sinku (5) biaha pa siman.
E suma ku e partisipante ta paga pa e kurso ta inkluí material di lès i sertifikado.
E material di lès ta sirbi prinsipalmente komo material sosten, esta pa amplia konosementu i sigui praktiká.
Pa por risibí sertifikado mester a pasa e kurso ku un promedio di 5.5.

Nos ta pidi nos klientenan pa hasi e registrashon i pago pa mas tardá 48 ora promé ku e ora di e promé lès, i manda nos un mensahe via Whatsapp ku e konfirmashon.
E registrashon ta tuma lugá via di e formulario digital di inskripshon ku a risibí di Kinani Language Enrichment.
Despues ku nos di Kinani Language Enrichment risibí e formulario di registrashon i e pago lo manda un komprobante di pago i un mail i/òf mensahe via Whatsapp ku e konfirmashon.
Nos ta pidi nos klientenan pa kumpli ku tur pago via di transferensia bankario.

E partisipante ta bai di akuerdo pa kompartí e datonan personal ku ta pidi manera, nòmber, fam, fecha i pais di nasementu, nivel di estudio i otro informashon ku Kinani Language Enrichment via di su registrashon digital.
Kinani Language Enrichment ta komprometé su mes na mantené e datonan personal kolektá sekreto, pero si por usa parti di esakinan pa propio investigashon òf análisis di desaroyo.

E programa fleksibel ta duna e posibilidat pa plania e lugá, dia i ora di lès, kantidat di lès pa siman i e kontenido di e lèsnan.
Den kaso di e programa fleksibel tin posibilidat pa rekuperá maksimalmente 2 lès pèrdí individualmente òf komo grupo.
E programa fiho tur kos ta stipulá adelantá: lugá, dia, ora di lès i e kantidat di lès pa siman.
Pa e programa fiho no tin posibilidat pa rekuperá lès pèrdí.
E asistensia na lès no ta influensia e posibilidat pa risibí sertifikado, únikamente e resultado di e prueba(nan) trahá.

Pa por partisipá den e kurso Skirbimentu na Papiamentu básiko e partisipante mester tin dominio di papiamentu komo nativo òf nivel básiko (A).
E partisipante mester a yena e formulario di inskripshon i hasi e pago adelantá.

E lès ta únikamente pa esun registrá i inskribí, pues no por aseptá pa otro partisipante forma parti na e lès den ningun forma. Den kaso ku esaki sosodé òf tuma nota di esaki lo kanselá e partisipante su partisipashon na e lèsnan ku ta sigui.