Back

Organisashon

  • E persona ku skohe pa e programa “Ban Chèlelè” ta skohe pa lès di kòmbersashon.
  • Durante di e lès(nan) lo kòmbersá tokante un òf diferente tema di interes personal.
  • E tema(nan) por ta simpel e.o. relashoná ku bida di tur dia òf tema mas kompleho i apstrakto.
  • E partisipante por indiká su tema(nan) di interes adelantá, na momento di lès, òf por laga esaki(nan) den man di e dosentenan di Kinani Language Enrichment.
  • E lès(nan) di kòmbersashon por sosodé di djaluna pa djabièrnè di 8 or di mainta pa 6 or di atardi pero ta dependé di disponibilidat di e dosentenan.
  • E lès(nan) por ta personal òf di forma virtual via di un plataforma virtual ku Kinani Language Enrichment mes lo ofresé.
  • E lugá unda e lès(nan) personal ta tuma lugá por varia di un lokal di lès te na un sitio públiko na kualke parti di e isla. Semper lo palabrá esaki adelantá.
  • Tambe e lès(nan) personal por tuma lugá serka e partisipante, na kas òf ofisina, pero esaki lo tin kosto adishonal.
  • Durashon di e lèsnan ta dependé di kuantu persona ta partisipá. Lès individual ta dura 45 minüt, lès den duo (2 persona) ta 60 minüt i pa 3 persona òf mas ta 60 minüt. Sa sosodé ku e lèsnan por dura un tiki mas, esaki lo ta parti di e fleksibilidat di e programa.
  • Por skohe pa plania kada bes 1 lès òf pa algun lès. Ora ta papia di plania ta referí na reservá i paga pa e lès. E diferensia den lès separá òf pakete di lès ta ku Kinani Language Enrichment den su planifikashon di lès lo tene kuenta ku e lèsnan reservá i pagá.
  • Nos ta pidi nos klientenan pa e reservashon i pago ta hasí mas tardá 72 ora promé ku e ora di lès, i manda nos un mensahe via whatsapp ku e konfirmashon di e pago di manera ku nos por garantisá e lès planiá.
  • Despues ku nos di Kinani Language Enrichment risibí e formulario di registrashon i e pago lo manda un komprobante di pago i konfirmashon di e lès huntu ku e dia, ora i lugá.
  • Nos ta pidi nos klientenan pa kumpli ku tur pago via di transferensia bankario.

 

Dato i informashon personal

  • E partisipante ta bai di akuerdo pa kompartí e datonan personal ku ta pidi manera, nòmber, fam, fecha i pais di nasementu, nivel di estudio i otro informashon ku Kinani Language Enrichment via di su registrashon digital.
  • E formulario ta nesesario pa e parti atministrativo i ta sosodé un (1) biaha so.
  • Kinani Language Enrichment ta komprometé su mes na mantené e datonan personal kolektá sekreto, pero si por usa parti di esakinan pa propio investigashon òf análisis di desaroyo.

 

Kondishon

  • Pa por partisipá den e kurso e partisipante mester a studia e parti básiko di e idioma papiamentu, esaki por ta via di un kurso ku un dosente òf riba su mes.
  • E partisipante mester registrá/reservá i hasi e pago adelantá.

 

Partisipante

  • E lès ta únikamente pa esun registrá i inskribí, pues no por aseptá otro partisipante forma parti na e lès den ningun forma. Den kaso ku esaki sosodé òf tuma nota di esaki lo kanselá e lès.
error: Content is protected !!